Hume lagta hai ki
is duniya me hum bahut logon ke apne hain,
maa hai, baap hai, bhai, behen hain,
patni hai, rishtedaar hain,
jaise poora jahaan hamara hai…
Par yeh sab tab tak hota hai
jab tak hum mazboot hote hain.
Jab tak hum sambhaal sakte hain.
Jab tak hum dene ki haalat me hote hain.
Par jaise hi zindagi thodi jhukne lagti hai,
jaise hi haalat kamzor padte hain, waise hi
wahi apne dheere dheere door ho jaate hain.
Tab samajh aata hai
is sansaar me sach me apna kaun hai.
Sirf teen hi hain, Khud hum, Hamara jeevan.
Aur apni mehnat se kamaya hua dhan.
Maa bhi jab dekhti hai
beta thak gaya hai,
toh uski aankhon me bhi ek chinta ke saath
ek bebasi aa jaati hai.
Baap jab mehsoos karte hai
ki beta ab bojh ban raha hai,
toh uski chuppi gehri ho jaati hai.
Bhai aur Behen bhi
apni duniya me ulajh jaate hain,
aur patni bhi
jab zindagi ka bojh bhaari lagne lagta hai,
toh uske pyar me bhi ek thakaan aa jaati hai.
Yeh koi galat nahi, yeh manav swabhav hai.
Is duniya me
sirf tum hi apni haalat ko poori tarah jaan sakte ho.
Tumhara dard, tumhari haar,
tumhari chup se ghutan — koi aur nahi mehsoos kar sakta.
Isliye jo apni mehnat ka saath nahi chhodta,
jo apne jeevan ko apna farz bana leta hai,
wo kabhi sach me akela nahi hota.
Rishte tab tak hi saath dete hain
jab tak hum unke kaam ke hote hain.
Par jab hum khud apne liye kaam ke layak hote hain,
tab zindagi bhi hume saath dene lagti hai.
Is sansaar ka sabse bada sach yehi hai –
na koi poora apna hota hai, na koi poora paraya.
Sirf tumhara jeevan tumhara hota hai,
sirf tumhari mehnat tumhari hoti hai,
aur sirf tum khud
apni haalat ko sach me samajhte ho.
Baaki duniya, bas haalat dekh kar hi rishte badal leti hai.
RAHUL | MYSTIC | WAY