Satya ko na imaarat chahiye, na kisi ka naam
Main kyun kehta hoon ki mazhab sirf ek vyavastha hai?
Isliye nahi ki mujhe ishwar se mujhe takleef hai,
balki isliye kyunki mujhe insaan se prem hai.
aur prem jab gehra hota hai,
to wahan andha vishvaas zyada der tik nahi paata.
prem sawaal poochhne se darta nahi, kyunki
prem ka uddeshya todna nahi hota – balki samajhna hota hai.
Main us ishwar ko kaise maan sakta hoon ?
jo insaan ko insaan se ladne par majboor kar de.
Main us dharm ko kaise swikaar kar loon?
jo pehle darr ko paida kare aur
phir usi darr ko aashtha ka naam de de.
Agar koi vyavastha tumse poochhne ka adhikaar chheen le,
to samajh lena chahiye ki wahan sach nahi hota –
wahan sirf niyantran dhram guruo ka pakhand hota hai.
Sadiyon se khoon baha aaya hai. Kabhi aashtha ke naam par,
kabhi raksha ke naam par, kabhi parampara ke naam par.
Har baar kahani badli, par soch wahi rahi –
“mera satya hi akela satya hai.” mera ishwar mahaan hai.
Jab satya par kisi ek ka adhikaar ho jaata hai,
to phir laashon ka hisaab koi nahi rakhta pata hai.
Kyuki jab log apne aap ko satya ka rakshak maan lete hain,
to unhe apne haath khooni nahi lagte,
Main aksar sardhaluwon poochhta hoon –
itni laashon ka zimmewaari kaun ishwar lega ?
Kaun sa ishwar saamne aakar yeh kahega ki-
usne hi insaan ko dhram ke naam par maarna sikhaya?
Agar ishwar sach mein chetna hai,
to phir har din chetna hinsa kaise ho sakti hai?
Jab insaan akela hota hai, tb aksar shant hota hai.
wo apni saanson ke saath jeeta hai,
apne mann ke saath baitha hota hai.
Par jaise hi woh bheed ka hissa banta hai,
uski soch dheere-dheere usse chheen li jaati hai.
bheed usse inshaniyat se mukt kar deti hai.
Bheed ka sabse bada jaadu yahi hai –
vyakti apni zimmedaari ko chhod kar hinsawadi ban jaye.
Phir jo kuch bhi hota hai, uska dosh khud par koi nahi leta.
Sab yahi kehte hain – “meri aashtha ko thes pahuchaya gaya.”
Mandir-ein ko giraya gaya, Masjid-ein ko todi gayi,
deewarein dhwast hui – par har baar haath sirf insaanon ka hi hota hai.
koi bhagawan ya ishwar ka haath isme nahi hota hai.
tum kisse pagal bana rahe ho?
khud ko ya fir logon ko?
Patthar khud nahi girte hai.
Imaaratein apne aap wapas mein nahi ladti hai.
Ladne wala hamesha insaan hi hota hai,
aur ladaane wali hamesha andhi kattar pehchaan.
Agar dharm ka arth insaaniyat hai,
to phir itna bhed-bhaav samaj mein kyun hai?
Agar ishwar har jagah hai, to
phir unke naam par itni nafrat kyun hai?
Agar satya ek hai, to phir
uske itne tukde kyun hota aaya hai?
Prakriti bina kisi granth ke apna kaam karti hai.
Roj subah hoti hai, roj shaam hoti hai.
Garmi aati hai, barsaat hoti hai,
fir sardi apni jagah le leti hai.
Na prakriti ko kisi pooja ki zarurat hoti hai,
na kisi ghoshna ki, woh bas hoti hai –
shaant, anushaasit, bina kisi se bhi kuch maange.
Agar sara jagat ek hi chetna se bana hai,
to phir bhagwan aur ishwar mein itne bhed-bhaao kyun hai?
Kyun har pehchaan ke saath ek deewar khadi kar di jaati hai?
Kyun har naam ke saath ek dushman paida ho jaata hai?
Isliye main kehta hoon – mazhab sirf ek vyavastha hai.
Vyavastha suraksha chahti hai, niyantran chahti hai,
niyamit hinsa wali bheed chahti hai.
Vyavastha ko shanti nahi chahiye,
usse bas nafrat aur hinsa ka aag chahiye.
Par chetna sthir nahi hoti. Chetna chalti rehti hai.
Woh sawaal poochhti hai, andar jhaankti hai,
aur har tay ki hui baat ko samajhne ke liye chhoo kar dekhti hai.
Chetna ka vidroh hinsa nahi hota. Woh tod-phod nahi karta.
Vidroh ka matlab hota hai – andhi maaniyata se mukti pana.
Vidroh ka matlab hota hai – apni soch ko wapas bula lena.
Na main aastik hoon, na naastik.
Main sirf itna jaanta hoon ki satya bahar nahi milta,
satya andar ki khoj se milta hai, satya prayash karne se milta hai.
Aur jo vyakti ek baar andar dekh leta hai,
usse bahar ke shor ki zyada zarurat nahi padti.
Usse kisi ko galat saabit karna nahi hota.
Usse kisi se ladna nahi padta fir.
woh bas pehle se zyada shaant ho jaata hai.
Yahin se dharm ka paath dheere-dheere dhwast ho jata hai.
aur yahin se maanav dhram ka uday hota hai.
Agar yeh baatein padhkar aapko laga ho ki kahin aashtha ko chot pahunchi hai,
to mera irada ladna ya samjhaana nahi tha.Main sirf itna kehna chahta hoon – ek baar bahar ki shor ko band karke,
thoda sa ruk kar, apne hi andar ki awaaj se poochh kar dekhiyega.Satya sach-me kahaan hai?
Meri baaton mein. ya un imaaraton mein jinke beech hum roz pooja-paath karte hain.Ho sakta hai main galat hoon. par ye bhi ho sakta hai ki satya kahin bahar nahi,
balki aapke hi andar chupchaap kahin kho gaya ho?Bas itni si baat thi. Baaki aap sab log samajhdaar hain.
Dhanyavaad
RAHUL | MYSTIC | WAY