Prithvi ka bhugol jitna manushya ne bigaada hai,
utna kisi anya prani ne nahi bigaada hai.
Ye koi gyaan nahi hai. Ye prithvi ki chup cheekh hai.
Jise sunne ke liye kaan nahi, andar ki chetna chahiye.
Jab hum “prithvi ka bhugol” kehte hain, toh
hum pahad, nadi, jungle ya samundar ki baat nahi karte.
Hum baat karte hain us jeevit sanrachna ki,
baat karte hai, jisme har prani ki saans judi hui hai.
Har prani apni seema me jeeta hai. par
manushya ki laalach ki koi seema nahi hoti.
Sher sirf bhookh ke liye shikaar karta hai,
Machhli kabhi jal ko zehar nahi banati,
pakshi kabhi aakash ko dhue se nahi bharta.
Par manushya?
Jise sabse zyada buddhi mili hai prakrti se,
ussi buddhi se usne sabse zyada vinaash racha hai.
buddhi ka kaam jodna tha, par
manushya ne usse todne ka ghatak hathiyaar bana liya hai.
Jahan karuna honi chahiye thi, wahan adhikaar aa gaya.
Jahan samvedna honi chahiye thi, wahan satta baith gayi.
Hum kanchh ke shehar bana rahe hain,
par ped paudhe pahaado ko kaat kar.
Hum roshni bana rahe hain, par nadiyon ko qaid karke.
Hum isse vikas kehte hain, par
prithvi har saal aur zyada beemar hoti ja rahi hai.
Ye vikas nahi hai.
Ye manushya ki sajaya hua vinaash ka kaal hai.
Manushya ne sabse pehle prakriti ko nahi toda.
Usne pehle apni chetna ko toda, tbhi swarthi bana,
Kabhi Dharm ke naam par lada,
kabhi Jaati ke naam par lada,
kabhi Satta paane ke naam par.
itihaas sirf manushya ne yudhh ke alawa kuch bhi nahi kiya hai.
kabhi, vishwa yudhh pehla bta kar to kabhi dusra vishwa yudhh
bata kar ab tisri vishwa yudhh ki tyaari chal rahi hai.
aur in sab ke beech me sabse zyada jo mara hai — wo hai sirf prakriti.
Prithvi kabhi ki paksh nahi leti. Wo na kisi dharm ki hoti hai,
na kisi desh ki na kisi rajya ki.
Wo sirf hamesha santulan me chahti hai.
Aur jab santulan bahut bigad jaata hai,
toh sabse pehle manushya hi toot-ta hai.
Aaj manushya ke haath me parmanu bhi shakti hai.
Ek pal me bhugol ka naksha ko badal dene ki taakat rakhta hai.
Par niyat? Ab bhi wahi purani hai.
Shakti alag garahon. tak pahunch chuki hai
par mann abhi bhi laalach aur ahankaar se mukt nahi hua.
Jab shakti buddhi se badi ho jaaye, toh vinaash tay hota hai.
Ye na kisi bhagwan ka shraap nahi hai, na prakriti koi badla
Ye manushya ki apni hi banayi hui kahaani hai.
Dinosaur lagbhag 6.5 crore saal pehle, prakriti ke badlav se mit gaye,
unhe bhi apni taakat par bahut ghamand tha – shayad
unhe bhi lagta tha ki unse bada prani iss prithvi par koi nahi hai.
aur aaj manushya, apni buddhi par wahi ghamand liye baitha hai –
jaise usse zyada shaktishaali is prithvi par koi nahi hai.
Manushya apni hi soch se mitega. Apni hi laalach se. apni hi andhi buddhi se.
Isliye kaha jaata hai — manushya swayam apna ant likh raha hai.
Ye shabd padhne ke liye nahi hain. Ye andar jagane ke liye hain.
agar ek bhi line dil me chubh jaaye,
toh samajh lena — prakriti abhi bhi zinda hai.
Aur umeedein bhi.
RAHUL | MYSTIC | WAY