Dhan, daulat aur taaqat se
duniya ko jhukaaya ja sakta hai,
par jo moh bheetar se khokla karte jaati hai,
insaan ko khud se hi kamjor kar deti hai.
Moh koi zanjeer nahi hota jo dikhai de,
moh wo dhuwaan hota hai
jo aankhon ke saamne rehkar bhi
hume andha kar deti hai.
Hum jise prem samajhte hain,
aksar wo moh hota hai.
Hum jisse apna keh kar pakad te hain,
aksar wo dar hota hai.
Darr hota hai kho dene ka,
dar rehta hai akela reh jaane ka,
dar rehta hai, pehchaan toot jaane ka.
Aur jab tak darr hota hai,
tab tak hum sach se bhaagte rehte hain.
Moh kisi aur ko nahi todta,
wo hume hi todta hai.
Wo hume apni hi rooh se alag kar deta hai.
Hum haste hain par,
par bheetar se khaali hote jaate hain.
Jo vyakti moh ko dekh leta hai,
wo ussi pal jaagna shuru kar deta hai.
Kyunki moh tabhi toot-ta hai
jab use pehchaana ja sakta hai.
Mukti koi bhaag kar jaane ka naam nahi,
mukti apne andar utarne ka naam hai.
Wahan, jahan humne apne khud ko
sabse zyada chhupaya rakha hua hota hai.
Jo apni bheetar ki jung jeet leta hai,
use kisi se ladne ki zarurat nahi hoti.
Wo shaant ho jaata hai,
aur uski shaanti hi uski shakti ban jaati hai.
Duniya ke rajya
talwaron se jeete ja sakte hain,
par apne mann ka rajya ko
sirf chetna se hi jeeta jaa sakta hai.
Jis din insaan apne moh ko
apne mann ke saamne rakh deta hai,
ussi din wo khud se sach bolna seekh leta hai.
Aur jo khud se sach bol leta hai,
usse phir kisi aur ke jhooth me
jeene ki zarurat nahi hoti.
Mukti tab nahi aati
jab hum sab chhod dete hain,
mukti tab aati hai
jab hum khud ko paana shuru kar dete hain.
Isliye jo apni rooh ki awaaz sun leta hai,
use duniya ke shor se darr nahi lagta.
Wo jaanta hai — asli azaadi bahar nahi,
bheetar se hoti hai.
Aur jo bheetar azaad ho jaata hai,
usse phir kisi ko jeetne ki zarurat nahi hoti,
kyunki wo khud ko jeet chuka hota hai.
RAHUL | MYSTIC | WAY