“Prem Azaadi ka Naam Hai, Par Humne hi Usse Qaid Kar Rakha Hai”
Main ye baat poore hosh me keh raha hoon — manushya jeevan me jo chahe wo paa sakta hai.
dhan, pad, pehchaan, samman. sab mil sakta hai. par ek cheez hai jo aksar nahi milti — prem
aur iska kaaran ye nahi ki prem mushkil hai, iska kaaran ye hai ki hum jis cheez ko prem samajhte hain, wo prem hai hi nahi,
wo samaj ka banaya hua vidhi-vidhan hai, vyavastha hai, niyam hai, bhay hai — Ye par prem nahi hai
prem kabhi sikhaya nahi ja sakta, prem sirf jagaaya ja sakta hai
lekin humne bachpan se kya seekha hai? kaun sahi hai, kaun galat hai, log kya kahenge, jaati kya hai, dharm kya kehta hai, ghar ka naam badnam na ho jaayega in sab chakkar me pade to,
ye sab seekhte-seekhte jab prem ka samay aata hai, to humare paas prem shabd hi nahi bachta
jab koi antar-aatma kisi doosri antar-aatma ke saath chalne ka nirnay karti hai, ussi kshhan jaati, dharm, log, izzat aur bhay deewar sab kuch ban kar khade ho jaate hain.
prem dar se nahi jeeta ja sakta, par humne toh dar ko hi dharm bana diya
tum kehte ho — “main uske saath jeevan bitana chahta hoon”
par jaise hi ye vichar aata hai, samaj ka kanoon tumhe kamzor bana deta hai, maa-baap ke saamne khade hone ka saahas, aksar humare bas ka nahi hota
aur agar maa-baap maan bhi jaayein, to unke mann me bhi bhay ghus jaata hai — “log kya kahenge?”
tab prem peeche chhoot jaata hai, aur vyavastha aage aa jaati hai
jo prem tumhe nahi mila, kisi kaaran se, jeevan fir bhi ek aur mauka deta hai — prem ko samajhne ka,
mehsoos karne ka, chahe wo Pruss ho ya Stree
lekin jab wahi prem vivah ke darwaaze par pahunchta hai, to uska roop badal diya jaata hai, vivah ke naam par sauda shuru ho jaata hai,
itna laaya, utna kam laaya, shaadi aisi hui, waisi hui, rishtedaar log samne muh dikhane layak nahi rahe fir wahi prem dheere-dheere hisaab ban jaata hai
jo rishta bana bhi, na tum usse samajh paaye, na wo tumhe samajh paayi, aur phir ye ummeed rakhi jaati hai ki — “ab ye ghar sambhalegi?” lekin jab roz kalesh hota hai, Pati ya Patni ke vichaar na milne par
tab wo sab log kahaan chale jaate hain? jo rishta banwa rahe the?
maa-baap, samaj, rishtedaar — sab gaayab fir. tab kaha jaate hai wahi log — Aur apna Zimmedaari se muh pher kar keh dete hain ki sab “upar wala hi rishta banata hai.”
agar upar wala hi banata hai rishta, to zimmedaari neeche wale kyun banane lag jaate hain? Itna log samaj Dabab bana kar? sach ye hai — adhiktar vivah prem nahi hote, wo sirf samjhaute hote hain.
prem ka nahi, zarurat ka, aur jab rishta sirf sharir tak simit ho jaata hai, to antar-aatma bhookhi reh jaati hai. sampark hota hai, par prem ka sangam nahi hota.
isiliye dooriya badhti hain, isiliye chup-chaap tanhaayi paida hoti hai, aur isi tanhaayi se janam leta hai
baahar ka akarshan, chori ka rishta, jo duniya ki bhaasha me bewafai kehlaata hai
par asal me wo bewafai nahi hoti, wo atma ki cheekh hoti hai jo kabhi suni hi nahi gayi, na ek dusre ko samjha gaya ho rooh se, Pati aur Patni ke bich ehenkar janam le leti hai.
bharat ki purani sabhyata ne prem ko pooja kaha tha, par humne use parampara bana diya, jahan prem mukti dayak tha, wahan humne use bandhan bana diya.
prem kabhi qaid nahi hota, aur jab tum use qaid karne ka vichar karte ho,
to wahi se vidroh ban jaata hai, tum jitna dabaoge wo utna hi dhokha me badalte jayega.
par ye haqikat mein dhokha nahi hai, bhitar se wo khaali hai, pyaasa hai, prem saagar ki gehrai ki tarah hai. jo har kisi ko samaj aana asambhav hai, par dhiyaan se prem ki saagar ki gehrai pata laga sakte ho,
par tumse ye na ho sakta kyunki, tumne bas prem ka ek dawar ka darshan hai, tum bas itna jante ho ki, wo mera hai to mera hai, kisi aur ki kaise ho sakta hai.
prem — us samaj ke khokhle niyamon ke viruddh. isliye duniya usse galat kehti hai, paap kehti hai, dhokha kehti hai.
kyunki jo cheez samaj ke niyantran se bahar hoti hai, usse duniya kabhi pavitra nahi maanti, samaj pavitra chij ko bhi narak bana deti hai,
prem pavitra hai par samaj ke liye kabhi nahi hai aur kabhi ho sakta hai — antar-aatma ke liye prem swarg ka dwaar hai prem.
lekin jab tak manushya apne bhitar ke bhay ko nahi dekhega, tab tak wo prem nahi kar sakta, na prem ko samajh sakta hai. aur jab tak prem nahi karega, tab tak wo jeevit hone ke baujood bhi, andar se soya rahega. ehenkaar me dooba hua rahega.
maun hi chetna hai, aur chetna hi antar-awaaz
RAHUL | MYSTIC | WAY